مشكلة عويصه حد عارف الحل

ازيكم يا شباب يا جامد
انتوا ليه صحيح مبتدخلوش تفضفضوا ايه مشاكلكم انتهتولا معنكمش اصلا
انا متاكد ان كل واحد عنده مشاكل تهد جبل بس كل واحد كااتم جوه قلبه بس كده والله غلط

والنهارده انا فضلت اتكلم عن مشكلة الاباء والامهات وقراراتهم التي يعتبرها الاولاد تسلط ويعتبرها الاباء خوف علي الابناء طب مين الصح ومين الغلط
والغريبة ان كل واحد عنده مبرراته يعني الاباء بيقولوا ان من واجبهم يحموا اولادهم والاولاد بيقولوا ان الاباء بيحاولوا يفرضوا ارائهم عليهم بدون نقاش
يعني لو مثلا امر الاب بشيء واراد الولد ان يتناقش يا ويله يا سواد ليله يتقال عليه مش مادب ودي نتيجه دلع الامهات وكله علي دماغ مين الاولاد
انا عايز اعرف منكم ايه الحل نتناقش معاهم ولا لا نحاول نعترض ولا ننفذ واحنا ساكتين وهل المناقشه مع الاباء فعلا قلة ادب ام محاولة توصيل الفكر للاباء قولولي الحل

الموضوع حلو اوى يا زيزو بس انا من راي اننا المفروض نتناقش معاهم
بس فى حدود الادب وفى المناقشه دى مننساش ان دا ابونا واكبر مننا
وبيفهم حاجات احنا لسه مجتش على بالنا اصلا وهو شايف مصلحتك اكتر منك
يبقا نسمع كلامهم ونفهم رايهم ونحاول نقنعهم براينا بكل احترام ولو مش موفقين فى
المرة الاولى واكيد هيوفقو ياريت نفهم فضل الاباء علينا والله احنا منغرهم ولا اى حاجه ولا نسوا بصله والله دورهم مهم اوى فى حياتنا وعمر ربنا ما يبقا راضى علينا
طول ما اهلين غضبنين علينا وربنا يكفينا شر غضبهم يارب

هو كلامك صح وانا عارف ان رضا الوالدين اهم شيء في الدنيا بعد رضا الله
بس انا بتكلم علي اصرار الاباء علي القرارات بدون مناقشة وده بيخلي الواحد هيشيط
وشكرا علي الرد

دا وجبى انى ارد عليك بس احنا لازم نحاول نفهم
ارائهم ونحاول نخليهم يحسه اننا بنسمع كلامهم
حاول وانت هتكسب وعمرك ما هتخسر

انا كسبت منهم كتير كفايا دعواتهم قبل الامتحانات اللي خلتني اجيب95.5% من غير ما اذاكر والله

مبروك على المجموع دا وحاول تكسب رضاهم نصيحه اخت لاخوها

انا الحمد لله مخليهم مش محتاجين حاجه الا وبعملها لاني فعلا جربت معمي رضا الوالدين وغضبهم وشكرا يا سووووفت

موضوع هايل زيزو ورايك ياسووووووووفت فعلا ممتاز بس حابه اقول حاجه لزيزو مش يمكن يكون لاصرار ده صح لان وانت جوه الحاجه مش بتب شيف عيوبها او وانت عايز حاجه بتبقي هي الدنيا وما عليها وبعدين تندم ولكن هم شيفنها من علي بعد

بس علي الاقل الواحد يقول رأيه لان المشكله في انهم مبيسمعوش راي الابن ولو سمعوه وبعد كده عملوا اللي عايزينه مش هيحصل حاجه

يازيزو لازم تفهم انهم عوزين لنا كل حاجه حلوة
وعوزنا احسن منهم طبعا حاول تكسبهم وتكسب ثقتهم فيك

حاضر بس ماتشخطيش كده